ARRETA GOIZTIARRA

laguntza-goiztiarra-getxo

-Arreta goiztiarra-

laguntza-goiztiarra

FID Haurren Garapenaren eta Arreta Goiztiarra eskaintzen duen Zentroa bezala aitortuta eta egiaztatuta dago, Bizkaiko Foru Aldundiaren Arretaguntza Goiztiarraren Egokitasun Ziurtagiriarekin. Bizkaiko Foru Aldundiak familiei diru laguntzak eskaintzen dizkie 0 eta 6 urte bitarteko haurrak tratatzeko.

Lehenbiziko informazio kontsultan diru laguntza horiek lortzeko eman beharreko pausuak azalduko dizkizuegu.

ZER DA ARRETA GOIZTIARRA:

Bere garapenean nahasmenduak edo hauek pairatzeko arriskua duten 0 eta 6 urte bitarteko umeei zuzendutako interbentzio multzoa da, karakter terapeutiko edota prebentiboa duena. Horri deritzo Arreta Goiztiarra.

Aipaturiko interbentzioen helburu nagusia haurtzaroko aldi horretan agertzen diren beharrak antzematea eta horiei erantzun goiztiarra (hots: lehenbailehen) ematea da, ume bakoitzarentzat egokia den tratamendua eta bere familientzako beharrezkoak diren orientabideak eskainiz.

ARRETA GOIZTIARRARI ETEKINA ATERATZEN DIOTE:

Garapenean nahasmenduak edo hauek pairatzeko arriskua duten 0 eta 6 urte bitarteko umeak, bai izaera biologikoa, psikologikoa zein soziala izan. Arreta Goiztiarraren “Liburu Zuria”n agertzen diren irizpideak jarraituz, Zentro honetan tratamendua eta arreta eskaintzen diegu:

Ume goiztiarrak

Haurdunaldian edo bere lehen bizitza-urtean agertutako gaixotasunak edo nahasmenduak izan dituzten umeak

Bere lehen bizitza-urteetan babesgabetasuna edo arrisku altuko egoerak bizi izan dituzten umeak

Estres edo trauma egoerak bizi izan dituzten umeak

Garapen neuromotore eta psikomotrizitatean nahasmenduak edota zailtasunak

Zentzumen garapenaren nahasmenduak

Garapen kognitibo-intelektualaren nahasmenduak

Hizkuntzaren garapenaren nahasmendua

Nahasmendu Espektro Autista eta haurren garapen psikikoarena

Nahasmendu emozionalak, erlaziozkoak eta portaeraren nahasmenduak.

Adierazpen somatikoaren garapenaren nahasmenduak: patologia funtzionalak aho-elikadura esferan, arnasketan, lo-bijilia zikloan, esfinterren kontrolean, hersturaren somatizazioetan, antsietatea eta estresa, beldurrak eta fobiak, eta abar.

Atzerapen ebolutiboa.